Marantau: "Antaro Cinto Jo Raso Ibo"

Alasan marantau saat ini tak lebih dari (hindari) akan menjadi buah bibia di kampuang dan mampabarek baban ayah jo bundo di kampuang. Bahkan parahnyo, hilang ayam urang di kampuang, inyo lansuang ma adok ka awak.

Pado dasarnyo, urang awak indak pernah mamiliah karajo di rantau dan nan pantiang halal, apo se namuah mangarajoan, Karano indak ka nampak dek urang kampuang nan bisa jadi fitnah dan gunjiangan orang kampuang asa lai indak ado nan manyampaikan ka urang kampuang. (soalnyo kejadian iko banyak kini)

Panyabab marantau nan kaduo adolah dek pangaruah urang nan pulang marantau satiok hari rayo dan hari-hari lainnyo. Mancaliak kawan-kawan bakilek  pulang dari rantau, dan awak nak nio pulo sarupo itu. Kadang nan calon parantau tu indak pulo mancaliak, apo karano bakilek karano berhasil atau inyo pandai ba minyak aia.

Tapi nan paralu awak ketahui, ado diantaro urang rantau nan pulang mambok pulang memang brhasil, tapi ado pulo nan biaso-biaso sajo. Kok nan berhasil, pasti nyo mambaok oto pulang, dengan satu catatan, itu pun harus oto pribadi dan indak barental atau oto diambiak sabalun pulang karano hanyo ingin pamer ka urang kampuang.

Untuak hal nan kesekiannyo, bara tahun dek urang tu mandapekkan hasil yang awak inginkan. Karano marantau itu indak bisa takah buek mie yaitu instan se.

Dek sakian banyak kito mancaliak keberhasilan bantuak itu nio pulo pai marantau, mako manumpanglah jo kawan pai karantau tu. Namun apo nan tajadi di rantau, bisa-bisa ilang aka dan takatuang-katuang indak tantu arah.

Ingek lah dunsanak calon parantau, marantau kini indak samo jo marantau dulu lai do. Kalau dulu banyak peluang nan bisa dimamfaatkan meskipun awak indak punyo modal. Zaman dulu nan dijua indak sabanyak kini. Kini iduik di rantau paralu keterampilan atau kepandaian. Kalau kepandaian kaladang jo ka sawah tu tambah pulo hanyo kepandaian ma olah kawan nan dibaok ka rantau tu, tantu kasudahannyo hanyo mambuek bangih urang nan mnumpangan awak tadi.

Karano itu, dek nan urang ka pai marantau, pikia-pikia lah, lai ado keterampialn, lai nio basakik-sakik dahulu? Karano pai marantaau tu ndak samo pai mandi ka batang aia do, malenggang se, tibo di batang aia wak tingga malonjek se lai. Jan sampai dek lama mancaliak urang, awak lah uru-uru pulo, kasudahannnyo badan jadi marano, urang gaek cameh dikampuang.

Untuak nan tarakhir bagi calon parantau, jan pai marantau nak mancaliak rantau urang se, pastikan pai marantau untuak marubah iduik, awak buliah iri ka urang tapi iri motivasi supayo awak berhasil.

Referensi: beritasumbar.id